ચિદાકાશનો વાર્તાલાપ (૨૯ December ૨૦૨૫) — ૩
જે કાંઈ છે કેવળ ચિદાકાશ જ છે. જગતની ભ્રાંતિ તેમાં સ્ફૂરણથી થઈ. પછી ચિદાકાશે જીવ ભાવે તેમાં પ્રવેશ કર્યો. હવે બહાર નીકળી જા. કેવી રીતે? જેમ પેઠો તો તેમ બહાર નીકળ. નીકળી જ જાવ એવો દરઢ નિશ્ચય ભાવ, ભાવત સત્તા છે, ભાવત શક્તિ. હવે મુક્ત ચિદાકાશ પરમ તત્વ બ્રહ્મ હું જ છું.
ચૈતન્ય અત્યંત સ્વચ્છ સ્વરૂપ છે, તેથી તે નિરાકાર રૂપે રહેલું છે. આમ, આ જગત ચિદરૂપ છે. તેમ પર્વત, સમુદ્ર, નદીઓ અને આ સમગ્ર પૃથ્વી, તમામ સ્થાવર જંગમ, આ સર્વ કાંઈ ચિદરૂપ.
પહેલા શીખ્યા પ્રાણ ચિકિત્સા, પછી કરી પ્રાણ પ્રતિષ્ઠા. ચૈતન્ય ચિકિત્સા કર. જડત્વના ભાવને દૂર કરી ચૈતન્યની સર્વત્ર પ્રતિષ્ઠા કર્યા જ કર. ક્યાં સુધી? જ્યાં સુધી કુરુભાવ ઊભો છે: "કરું, કરું, હું કરું." આ કુરુભાવ છે ત્યાં સુધી જોજે ચૂકતો નહીં.
બાકી તું સ્વયં ચિદાકાશ, ચેતન, ચિદરૂપ, પરબ્રહ્મ, આત્મા, પરમાત્મા, પરમેશ્વર, ઈશ્વર. આ બધા જ પર્યાય શબ્દો છે વ્યવહાર પૂરતા, જે એક જ તત્વનો નિર્દેશ કરે છે. શુદ્ધ ચેતન તો નિર્મળ છે, નિરાકાર છે અને સદૈવ નિર્દોષ છે. તે તું જ. તે તું જ છે. તે ચિદાકાશ તું જ છે.
દ્રશ્ય-દર્શન એ ઇન્દ્રિયો, મન, ચક્ષુના અનુભવો છે. આધ્યાત્મ એટલે "અધ્ય આત્મ". અહીં જ આત્મા એ નિરીન્દ્રિય જ હોય. આવું જ્ઞાન હૃદયમાં ધારણ કરાય ઓજસ રૂપે, ઓજ રૂપે. બાકી સબ બકવાસ. નેતિ નેતિ એટલે "ન ઈતી, ન ઈતી". "આ હું નથી, આ હું નથી" એને સાધક બ્રહ્મનું શોધન કર. બ્રહ્મનું સ્થાપન કર. બ્રહ્મની જ પ્રતિષ્ઠા કર.
ભાઈ, બધા જ આકારો, બધા જ ભાવો, બધી જ વૃત્તિઓ, બધા જ આચારો. હવે તું નોનસ્ટિક થા, અસંગ થા. આ ગ્રહણ એટલે મોત (પકડ રાખવી એ જ મોત). જોઈ જોઈને: "આ હું નથી, આ મારું નથી." બધા અનુભવો મિથ્યા છે. શેનો આગ્રહ? શેના ઝગડા? કોણ કરે છે આ રીસામણા-મનામણા, વિવાદ અને ઝગડા નિરંતરના વોર?
અનુભવ કર, જાણ. પ્રત્યેક પરમાણુમાં હું અવાજ્ય, અગોચર, સંપૂર્ણ. કર હવે અલખનો સાક્ષાત્કાર. ચિદાકાશ અલખ છે, અલક્ષ્ય છે. માને તો જ તારી મર્યાદા, તારી લિમિટ. નહીં તો તું અનંત, અસીમ. દ્રશ્ય જ ભ્રાંતિ છે, એ સમજ. તો જે જે દેખે છે અંદર કે બહાર, નરી ભ્રાંતિ જ છે. આ જોવું છે એટલે તો દેખાય છે. કોને જોવું છે? કોને જાણવું છે?
સૌથી પોલું શું? તો કે "હું". "હું" એ પોલામાં પોલું છું. પાયા વગરનો, સાવ નોધારો, નિરાધાર એ જ અહંકાર કહેવાય. સો, અજ્ઞાનથી મૂર્ખતા વ્યાપી છે. હવે મૂર્ખતાથી મુમોક્ષત્વ મેળવવું. અસત્યો માહેથી પ્રભુ, પરમ સત્ય તે તું લઈ જા. પરમ સત્ય કેવળ ચિદરૂપ ચિદાકાશ છે. આ ભૂમિનો ભાર જ હું. હવે એને તું જ ઉતાર.
આંખ ભલે તારી બંધ હોય કે ઉગાડી આંખ, નિત્ય નિરંતર અખંડ બ્રહ્મનું તેજો મંડળ નિહાલ. યાદ રાખ, બધી સિદ્ધિઓ જૂઠી છે, ભટકાવનારી છે. અરે, આ સિદ્ધિઓ જ માયા છે. કેવળ બ્રહ્મને સાથ. અયોગ સિદ્ધ થા. કેવી રીતે? જાણ કે "હું અસંગ છું, નિષ્કલ છું, અ સચ્ચિદાનંદ સ્વરૂપ છે, કેવળ ચિદાકા સ્વરૂપ છું." જય સચ્ચિદાનંદ.
આ લખાણ AI દ્વારા તૈયાર થયું છે. શંકા હોય ત્યાં મૂળ પ્રવચન સાંભળી ખાતરી કરવી.